💰 Galla / Cash Counter
Galla Counter Calculator: Maine Ye Tool Kyun Banaya? (Meri Real Story)
Doston, aaj main aapko is Galla / Cash Counter tool ke peeche ki ek aisi kahani sunane wala hoon jo mere dil ke bahut paas hai. Ye sirf ek calculator nahi hai, balki ek sacha kissa hai jo meri 12th class ki coaching se juda hai.
Wo Ek Pareshani Aur "Lala" Ki Soch
Jab main 12th mein tha, tab main raat 8 se 9 baje Raju Sir ki maths ki coaching padhne jata tha. Sir ke pita ji (Baba ji) ki coaching ke bilkul bagal mein hi kirane ki dukan thi. Baba ji kaafi buzurg the ,aur woh har bacche ko pyaar se "Lala" keh kar bulate the, unse saare bacche pyaar karte the, kyuki vo kabhi kabhi free me hi sab baccho ko chocolates baat dete the. Mujhe toh Unka lala kehna bahut pasand tha .
Maine kai baar dekha ki jab raat ko dukan band karte waqt Baba ji ko pure din ke galle ke ikathte notes ginne mein bahut takleef hoti thi. Ek din maine unse puch hi lia, "Baba ji, aap calculator kyun nahi use karte ho ?" Unhone bade masoomiyat se muskura ke mere ko dekh kaha, "Lala, calculator se bhi mujhe dikkat hoti hai. Har note alag hai—500 ke alag, 200 ke alag, 100 ke alag... sabka data alag-alag dalna padta hai, usme bahut samay lag jata hai . Or Mujhe usme bhi bahut pareshani hoti hai samjhne me , ye keh ke babaji kehte hai ki Kaash kuch aisa hota lala, ki bas ek baar ginti daalo aur sab apne aap ho jaye!" Baba ji ki wahi baat mere dimaag mein baith gayi aur maine socha ki apne dukandar bhaiyon ke liye kuch aisa tool bagera banaun jo unka kaam asaani se kar de.
Idea Se Tool Tak Ka Safar :
Baba ji ki wo baat mere dimaag mein jese ek ghar kar gayi. Maine socha ki kyun na apne dukandar bhaiyon aur Baba ji jaise buzurgon ke liye ek mein ek aisa "Digital Galla" banau jo unka 15 minute ka kaam 1 minute mein kar ke de.
Step-by-Step : Tool Ko Kaise Use Karna hai ?
Maine is tool ko ek dum se simple rakha hai taaki koi bhi ise asani se chala sake. Aap mere niche diye gaye , mere dwara screenshots se samajh sakte hain,ki apko is tool ka istemal kese karna hai , isse apko samjhne me asani hogi :
1. Sabhi Notes ki Sankhyaein Bharein:
Jaisa ki aap upar ki photo mein dekh rahe ho, maine is tool ko kese use kia hai, maine ₹500 ke samne '25' aur ₹200 ke samne '31' likha hai. Aapko bas apne notes gin kar unke samne wale box mein ginti likhni hai. Apke jis notes ki ginti karni hai sabka data usme fill karna hai , jisse pata chal sake numbers of notes ; jaise mujhe abhi sirf 500 , 200 ke notes ki karni thi , toh mene usi ka data bhara usme or result aagya . apko agar jese 500,200 ke sath 100,50,20,10,5,2,1 ke notes ki ginti karni hai , toh usme data fill karke calculation nikal sakte ho , apka final amount ka result aajayega .
2. Total Amount Check Karein:
Jaise- jaise aap numbers likhoge , tool turant calculate karke batata jayega ki total kitne rupay hue hai . Screenshot mein aap dekh sakte hain ki total 18,700 ka hisab aaya hai .
3. Shabdon Mein Hisaab:
Galti ki koi gunjayish naa rahe or apko asani ho jise numbers me answer chahiye tha or jise words me dono me milega , isliye tool total amount ko Words mein bhi asani se convert kar deta hai (Jaise: Twenty Five Thousand Three Hundred Eighty Rupees Only).
4. Reset Aur Naya Hisaab:
Agar aapne purana hisab kar lia or ab Naya galle ka hisab karna hai ,toh aap Naya galla ginne ke liye niche diye gaye 'Reset All Data' button ka istemal kare. Ise dabate hi ek button aayega , jo ki confirmation popup hoga aur jese hi aap 'haan clear ' button dabayege, wese hi sab zero ho jayega. Fir aap Naya data usme daal ke naya hisab kar sakte hai .
5. Indian Currency Notes: Kya Aap Jante Hain?
Hisaab karte waqt humein apne notes ke baare mein bhi jaankari honi chahiye. Aaj kal hum jo notes use karte hain, unki apni ek pehchan hai:
- 500 ka note : Iska rang 'Stone Grey' hai aur is par Laal Quila (Red Fort) bana hota hai.
- 200 ka note : Ye 'Bright Yellow' rang ka hai aur is par Sanchi Stupa bana hua hai.
- 100 ka note : Iska rang 'Lavender' hai aur is par 'Rani ki Vav' bani hui hai.
- 50 ka note : Ye 'Fluorescent Blue' rang ka hai aur is par Hampi bana hai.
- 10 ka note : Iska rang 'Chocolate Brown' hai aur is par Konark Sun Temple bana hua hai.
Ek Bonus Table (Value Addition)
Aap ek aur table de sakte hain jo bataye ki ye tool kis-kis ke liye kaam ka hai:
Kiske Liye Hai? |
Kya Fayda Hoga? |
|---|---|
Dukandar (Shopkeepers) |
Rozana galle ka fast hisaab. |
Bank Customers |
Deposit slip bharne mein asani. |
Event Managers |
Function ke kharche aur cash ka track. |
Buzurg (Elderly) |
Bina calculator ki mushkil ke asaan jod-ghata. |
Related Business & Financial Tools
Discount Calculator
Advanced Salary Calculator
Galla Counter Calculator: Aksar Pooche Jane Wale Sawal (FAQs)
1. Galla Counter Tool kya hai aur ye kaise kaam karta hai?
Ye ek digital cash calculation tool hai jisme bas aapko bas apne notes ki ginti (quantity) likhni hoti hai, aur ye aapko turant total amount aur use shabdon (words) mein badal kar de deta hai.
2. Kya is tool ko use karne ke liye internet zaroori hai?
Ise ek baar load karne ke baad aap offline bhi use kar sakte hain, par lekin behtar result aur updates ke liye internet connection hona accha hai. Jisse apko thodi bahut bhi jo pareshani hai vo na ho .
3. Kya mera cash ka data safe rehta hai?
Jii haan, bilkul Aapka koi bhi data hamare server par save nahi hota hai . Sab kuch aapke browser aur phone mein hi rehta hai, isliye ye private aur safe hai.Ise aap bina koi chinta ke use kar sakte hai .
4. Kya ye tool bade numbers (Trillions) ko handle kar sakta hai?
Haan, maine ise aise tareeke se design kiya hai ki agar aap bahut badi quantity bhi dalte hain, toh woh box se bahar nahi jayega balki niche settle ho jayega.
5. Isme kaun-kaun se notes support hote hain?
Ye tool ₹500 se lekar ₹1 tak ke saare naye aur purane Indian notes aur coins ko support karta hai. Bhavisya me kabhi government duwara koi naye note aaye toh isme update ho jayege .
6. Kya ye amount ko words (shabdon) mein convert karta hai?
Bilkul! Ye tool total amount ko turant hi English words mein convert kar deta hai taaki aapko bank deposit slip ya check bharne mein asani ho.
7. 'Reset All Data' button ka kya kaam hai?
Agar aapka ek hisaab khatam ho gaya hoi aur aap naya hisaab shuru karna chahte hain, toh ye button saari purani entries ko ek click mein zero kar deta hai.Fir aap duwara se naya hisab kar sakte hai .
8. Kya ye tool mobile aur computer dono par kaam karega?
Haan, ye tool fully responsive hai. Aap ise apne Android phone, iPhone, Tablet ya Laptop kisi par bhi bilkul asani se chala sakte hain.
9. Kya hum is tool ka result print kar sakte hain?
Aap apne phone mein screenshot lekar ise save kar sakte hain .
10. Kya is tool ko use karne ke paise lagte hain?
Nahi, ye tool humne apne dukandar bhaiyon aur Baba ji jaise buzurgon ki madad ke liye bilkul Free banaya hai.
Ye tool un sabhi ki madad karege jinko notes ki numbers se calculation me dikkat aati hai , ye un sabhi logo ka kaam aasan kar dega .
Mera mission yahi hai ki main dainik jeevan mein jo pareshaniyan log jhelte hain, unki kuch help kar sakun. Aage bhi main apni taraf se seva karta rahunga.
Aapka Bhai, Raaj ❣️
Disclaimer for Educator4all
Is website par maujood Galla / Cash Counter Tool sirf ginti aur calculation ko asaan banane ke liye hai. Hum poori koshish karte hain ki aap sabhi ki hisab calculation sahi ho, lekin kisi bhi financial transaction ya kisi bank mein paise jama karne se pehle ek baar manual check zaroor karein. Educator4all kisi bhi tarah ki calculation error ya financial loss ke liye zimmedar nahi hoga. Is tool ka upyog aap apni sujh-boojh se karein.
Privacy Policy
Educator4all par hum apne users ki privacy ka poora samman karte hain.
Data Collection: Hum aapka koi bhi personal cash ,data ya notes ki ginti apne server par save nahi karte hain. Aap jo bhi ginti tool mein dalte hain, wo sirf aapke browser aur device mein temporary rehti hai.aapka data vo aapke hi paas hai
Cookies: Humari site user experience behtar karne ke liye basic cookies ka istemal kar sakti hai.
Third-Party Ads: Hum Google AdSense jaise partners ke ads dikha sakte hain, jo aapke interest ke hisaab se ads dikhane ke liye cookies use karte hain.
Security: Aapka data bilkul safe hai kyunki hum koi bhi financial information collect nahi karte. Aap nischint reh sakte hai
Clear Data?
Kya aap saari entries ko zero karke naya hisaab shuru karna chahte hain?