SSC Selection Master Tool 2026 – Eligibility & Exam Pattern Checker
SSC Selection Master Tool 2026 ek advanced eligibility checker hai jo aapki qualification, age aur category ke basis par batata hai ki aap kaun-kaun se SSC exams ke liye eligible hain.
Is tool me updated 2026 exam pattern, basic physical standards aur category-wise eligibility details include kiye gaye hain.
Ye tool SSC CGL, SSC CHSL, SSC MTS & Havaldar, SSC GD Constable, SSC CPO (Sub-Inspector), SSC Selection Post, SSC Stenographer (Grade C & D), SSC JE (Junior Engineer) aur Delhi Police Constable exams ke liye eligibility check karta hai.
Aap yahan aasani se check kar sakte ho ki aap kaunse exams ke liye eligible ho aur unka exam pattern kya hai — sab kuch ek hi jagah par.
SSC Selection Master 2026
Eligibility, Deep Exam Pattern & Physical Standards Checker
Apni details bharein aur master data dekhein.
SSC Selection Master Tool 2026: Meri Kahani aur Is Tool ka Maqsad
Ek Shaam Cricket aur "Pankaj" ki Kahani
Main hoon Raj Singh Sengar aapka bhai, Educator4All ka founder. Main hamesha se yahi koshish karta hoon ki education aur daily life ki pareshaniyon ko technology ke zariye kaise aasaan banau. Is tool ko banane ke piche ek bahut hi real-life incident hai, jo ki mere sath kuch samay pehle hi hua tha.
Ek shaam main apne 3 doston ke saath tehelne gaya tha. Hum sab SSC ki taiyari kar rahe hain. Main SSC CHSL ki taiyari mein laga tha, mera ek dost MTS ke liye mehnat kar raha tha, aur mera dost Pankaj, jisne Civil Engineering kar rakhi thi, wo pichle 2 saal se SSC CGL mein struggle kar raha tha.
Jab humne cricket khelna shuru kiya ground mein pahuch ke, tab humne thodi bahut masti ki. Khelne ke baad jab hum discussion kar rahe the, tab Pankaj ne bataya ki wo bahut nirash hai, uska pichle 2 saal se CGL ka exam nahi nikal raha tha. Use bas aisa lagta tha ki jo usne civil engineering kar rakhi hai, usi ko leke ek reputed exam ho jisme engineering ka portion ho.
Tab maine use bataya ki SSC mein JE (Junior Engineer) ka bhi ek exam hota hai jo engineering background waalo ke liye hota hai. Pankaj ko us waqt SSC JE ke baare mein bilkul pata nahi tha. Jab usne mujhse eligibility aur age puchi, toh mujhe bhi poori jankari nahi thi. Maine use bata toh diya ki SSC JE ka exam hota hai, par mujhe khud exact age aur eligibility criteria nahi pata tha.
Tabhi mere dimag mein aaya ki bahut log aise pareshan hote hain. Kyun na ek aisa tool banaya jaye jahan apni age, qualification aur category dalte hi pata chal jaye ki aap kin exams ke liye eligible hain. Isi soch ke saath maine is SSC Selection Master Tool 2026 ko taiyar kiya hai.
Upar diya gaya screenshot dikhata hai ki SSC Eligibility Tool ko kaise use kiya jaye; ye khud Educator4All dwara test kiya gaya ek real-time screenshot hai.
Yeh Tool Real Life mein kaise faydemand hai?
Aksar students SSC ke 50-60 pages ke notification ko dekh kar ghabra jate hain. Yeh tool aapka 90% samay bachata hai. Sirf 2 second mein aapko pata chalta hai ki aap kis naukri ke liye eligible hain, taki aap galat exams mein apna samay barbaad na karein. Isse student usi exam ki taiyari kar sakta hai jisme uska subjects mein pehle se hi interest hai.
SSC Master Tool: How to Use?
- 1. Qualification Select Karein: Sabse pehle apni education (10th, 12th, Graduate ya Engineering) chunein.
- 2. Age aur Category Bharein: Apni current age aur category (UR, OBC, SC/ST) select karein taaki tool age relaxation calculate kar sake.
- 3. Check Eligibility: Button par click karte hi aapke samne eligible exams ki list aa jayegi.
- 4. Pattern Dekhein: Exam card par click karke aap uska Tier-1, Tier-2, Subject-wise questions aur Physical standards dekh sakte hain.
Frequently Asked Questions (FAQ) - 2026 Updated
Q1: SSC Exam kya hota hai?
SSC (Staff Selection Commission) Bharat sarkar ke vibhinn mantralayon mein Group B aur C posts ke liye bharti karta hai.
Q2: SSC GD mein Height aur Chest kitni chahiye?
GD Constable ke liye General Male height 170cm aur Female 157cm honi chahiye. Male candidates ke liye Chest 80cm (+5cm expansion) anivarya hai.
Q3: OBC ko kitni age relaxation milti hai?
SSC ke niyam ke mutabik OBC candidates ko 3 saal ki age relaxation di jati hai.
Q4: Kya Engineering students CGL de sakte hain?
Haan, Engineering graduates CGL ke liye eligible hain aur wo SSC JE ka exam bhi de sakte hain.
Q5: SSC CPO mein sectional timing hai?
Haan, 2026 ke updated pattern ke mutabik CPO Paper-1 mein ab sectional timing lagu hai.
Q6: MTS Session-1 mein negative marking hai?
Nahi, MTS Session-1 mein negative marking nahi hoti, lekin Session-2 mein 1 mark ki negative marking hoti hai.
Q7: Delhi Police Constable ke liye kya qualification chahiye?
Iske liye candidate ka kam se kam 12th pass hona zaroori hai.
Q8: Stenographer exam mein Maths aati hai?
Nahi, SSC Stenographer exam mein Maths ka paper nahi hota, sirf English, Reasoning aur GK hote hain.
Q9: SSC Selection Post kya hai?
Yeh ek aisa exam hai jisme alag-alag departments ki posts ke liye ek hi bar mein apply kiya ja sakta hai (10th/12th/Grad level par).
Q10: Kya ye tool hamesha free rahega?
Haan, Educator4All par ye tool aur aane wale sabhi tools hamesha free rahenge.
Policies
Privacy Policy: Hum aapka koi bhi personal data (jaise DOB ya Age) apne server par save nahi karte hain. Ye tool sirf calculation ke liye hai.
Privacy Policy: Hum aapka koi bhi personal data (jaise DOB ya Age) apne server par save nahi karte hain. Ye tool sirf calculation ke liye hai.
